Бүгін Ұзынағаш ауылындағы N 1 мектеп лицейінде 1 қыркүйек білім күніне арналған алғашқы қоңырау шарасы өтті. Шараға аудан әкімі Нұрлан Ертас арнайы қатысып, барша аудан жұртшылығын жаңа оқу жылының басталуымен құттықтап, оқушыларға сәттілік, мұғалімдерге шығармашылық табыс тіледі. Аудан әкімі өз сөзінде білім беру сапасын арттыру, мектептердің материалдық-техникалық базасын нығайту және оқушылардың жан-жақты дамуы үшін жағдай жасау маңызды екенін атап өтті. Білім саласы бойынша ең өзекті мәселелердің бірі үш аусымды мектептер еді. Жаңа 1 500 орынға арналған лицейдің ашылуына байланысты үш аусымды мектептер саны – 9-дан 7-ге азайды. Биылғы оқу жылында ауданымызға 38 000-ға жуық оқушы тіркеліп, өткен жылмен салыстырғанда өсу қарқыны – 3% немесе 1 072 балаға артты. «Жайлы мектеп» ауқымды бағдарламасы үш ауысымды және апатты мектептер мәселесін толық шешуге бағытталған. Аталған ұлттық жоба бойынша ауданымызда 7 мектеп салынады, оның ішінде үшеуі 2024-2025 оқу жылында қолданысқа беріледі: біріншісі, Қарғалы ауылында - 900 орындық, екіншісі, Ұзынағаш ауылында – 1500 орындық, үшіншісі Сарыбай би ауылында – 600 орындық жайлы мектептер. Сонымен бірге, Аққайнар ауылындағы Т.Бокин атындағы ОМ күрделі жөндеу өтті. Осы білім ордасынан түлеп ұшқан жастар Қазақстанның кемел келешегіне өз үлесін қосады деп сенеміз.